შაბათი, სექტემბერი 22, 2018

სოციალური პროგრამის ფარგლებში სტუდენტთა დაფინანსება

მიმდინარე წელს საქართველოს უმაღლეს სა­განმანათლებლო დაწესებულებებში ერთიანი ეროვნული გამოცდების შედეგების საფუძველზე აკრედიტებულ უმაღლეს საგანმანათლებლო პროგრამებზე...

“ეკო სკოლა-2018”-ის გამარჯვებულთა სია

საქართველოს განათლებისა და მეცნიერების სამინისტროს  „დავისვენოთ და ვისწავლოთ ერთად“   პროგრამის ფარგლებში საზაფხულო სკოლა „ეკო სკოლა-2018“...

სამხრეთ ოსეთის ადმინისტრაციაში ჩატარდა ტესტირება ინგლისურ ენაში

18 ივნისს სამხრეთ ოსეთის ადმინისტრაციაში ჩატარდა შესარჩევი კონკურსი „დავისვენოთ და ვისწავლოთ ერთად“ პროგრამის ფარგლებში    დაგეგმილ  საზაფხულო სკოლაში – ,,ინგლისური ენის...

გ ა ნ ც ხ ა დ ე ბ ა

სამხრეთ ოსეთის ადმინისტრაცია აცხადებს შესარჩევ კონკურსს „დავისვენოთ და ვისწავლოთ ერთად“ პროგრამის ფარგლებში    დაგეგმილ  საზაფხულო სკოლაში - ,,ინგლისური ენის საზაფხულო სკოლა...

გ ა ნ ც ხ ა დ ე ბ ა

სამხრეთ ოსეთის ადმინისტრაცია აცხადებს შესარჩევ კონკურსს „დავისვენოთ და ვისწავლოთ ერთად“ პროგრამის ფარგლებში    დაგეგმილ  საზაფხულო სკოლაში - ,,ეკოსკოლა“- მონაწილეობის მისაღებად. კონკურსში...

უმაღლეს საგანმანათლებლო დაწესებულებებში ერთიანი ეროვნული გამოცდების საფუძველზე ჩარიცხული ყოფილი სამხრეთ ოსეთის ავტონომიური ოლქიდან იძულებით ადგილნაცვალი პირების სწავლების დაფინანსების წესი

 

წინამდებარე წესი განსაზღვრავს ყოფილი სამხრეთ ოსეთის ავტონომიური ოლქიდან იძულებით ადგილნაცვალი პირებისათვის უმაღლეს საგანმანათლებლო დაწესებულებებში სწავლის დაფინანსების  პირობებსა და პროცედურებს.

მუხლი 1. დაფინანსების ოდენობა

  1. უმაღლეს საგანმანათლებლო დაწესებულებებში ერთიანი ეროვნული გამოცდების შედეგების საფუძველზე ყოფილი სამხრეთ ოსეთის ავტონომიური ოლქიდან იძულებით ადგილნაცვალი სტუდენტების დაფინანსებისათვის სამხრეთ ოსეთის ადმინისტრაციის 2018 წლის საბიუჯეტო ასიგნებებიდან გამოიყოს 18900 ლარი (ბრძანება №41/1, 20.11.2018).

მუხლი 2. დაფინანსების მიღების უფლების მქონე პირი

  1. ამ წესით დაფინანსება შეიძლება მოიპოვოს ყოფილი სამხრეთ ოსეთის ავტონომიური ოლქიდან დევნილმა სტუდენტმა, რომელმაც ვერ მოიპოვა სასწავლო გრანტის სრული ოდენობა, არ სწავლობს იმ პროგრამულ მიმართულებაზე, რომელსაც სრულად აფინანსებს სახელმწიფო, 2017 წლის ერთიანი ეროვნული გამოცდების შედეგების საფუძველზე ჩაირიცხა უმაღლეს საგანმანათლებლო დაწესებულებებში  ან ჩაირიცხა 2016 წლის ერთიანი ეროვნული გამოცდების შედეგების საფუძველზე და უმაღლეს საგანმანათლებლო დაწესებულებაში სწავლების პირველ წელს ყველა საგანში მიღებული აქვს შეფასების 91-100 ქულა – (A) ფრიადი.

მუხლი 3. დაფინანსების პრინციპი

  1. დაფინანსებისთვის გამოყოფილი თანხა თანაბრად ნაწილდება ამ წესის მე-2 მუხლით განსაზღვრული კატეგორიის სტუდენტებზე;
  2. სტუდენტის მიერ მოპოვებული სახელმწიფო სასწავლო გრანტისა და ამ წესით გაცემული თანხის ჯამი არ შეიძლება აღემატებოდეს სახელმწიფო სასწავლო გრანტის მაქსიმალურ ოდენობას (2250 ლარი).

მუხლი 4 . განცხადების წარდგენის ვადა

  1. ამ წესის მე­–2 მუხლით გათვალისწინებული სტუდენტები დაფინანსების მისაღებად განცხადებას მე-5 მუხლით განსაზღვრულ დოკუმენტებთან ერთად წარადგენენ სამხრეთ ოსეთის ადმინისტრაციაში 2018 წლის 15 იანვრიდან 16 თებერვლის ჩათვლით.

მუხლი 5. პროგრამის ფარგლებში სახელმწიფო დაფინანსების მოსაპოვებლად სტუდენტების მიერ წარმოსადგენ დოკუმენტთა ნუსხა

  1. დაფინანსების მოსაპოვებლად სტუდენტებმა სამხრეთ ოსეთის ადმინისტრაციაში უნდა წარმოადგინონ:
    • განცხადება;
    • საქართველოს მოქალაქის პირადობის მოწმობის ასლი;
    • ნოტარიულად დამოწმებული დევნილის მოწმობის ასლი;
    • უმაღლესი საგანმანათლებლო დაწესებულების მიერ გაცემული სტუდენტობის დამადასტურებელი ცნობა;
    • უმაღლესი საგანმანათლებლო დაწესებულების მიერ გაცემული სასწავლო ბარათი (2016 წლის ერთიანი ეროვნული გამოცდების შედეგებით ჩარიცხული სტუდენტებისთვის);
    • პირადი საბანკო ანგარიში.