თბილისის დიდ საკონცერტო დარბაზში ჩატარდა საქართველოს სახალხო არტისტის, გამოჩენილი ხელოვანის, პიროვნებისა და საზოგადო მოღვაწის, საქართველოს დამსახურებული ჟურნალისტის, „ღირსების“ ორდენისა და „კულტურის ამაგდარის“ მედლის, ასევე „კულტურის რაინდისა“ და „საქართველოს ქორეოგრაფიის რაინდის“ წოდებების მფლობელის, ლეგენდარული „სუხიშვილების“ „ოქროს თაობის“ ერთ-ერთი თვალსაჩინო წარმომადგენლისა და უცვლელი სოლისტის. თენგიზ უთმელიძის შემოქმედებისადმი მიძღვნილ კონცერტსა და სახელობითი ვარსკვლავის გახსნის
სადღესასწაულო კონცერტში მონაწილეობა მიიღეს ჩვენი ქვეყნის მასშტაბით მოქმედმა სახელმწიფო აკადემიურმა ანსამბლებმა: „სუხიშვილები“, „რუსთავი“, აფხაზეთის სიმღერისა და ცეკვის ანსამბლი, სამხრეთ ოსეთის ადმინისტრაციასთან არსებული სიმღერისა და ცეკვის ანსამბლი „ნართები“, ასევე ქორეოგრაფიული ანსამბლი „იმედი“, სამეჯლისო ცეკვების სტუდია „თელა“; მომღერლები: თამრიკო ჭოხონელიძე, ირმა სოხაძე, თემურ წიკლაური.
