ოკუპირებული ცხინვალის დე ფაქტო ხელისუფლება აცხადებს, რომ “დღეს საქართველოს არჩილ ტატუნაშვილის ცხედარს და დამოუკიდებელი ექსპერტიზის შედეგებს გადასცემს”, – ამის შესახებ ოსურ სააგენტო „რესს“ ე.წ. სამხრეთ ოსეთის ე.წ. პროკურატურაში განუცხადეს.
როგორც სააგენტო იუწყება, ცხედარს „წითელი ჯვრის“ მისიის შუამავლობით გადასცემენ.
„ცხედართან ერთად ქართულ მხარეს იმ სატრანსპორტო საშუალებასაც გადასცემენ, რომლითაც არჩილ ტატუნაშვილმა დაკავებამდე საზღვარი გადაკვეთა“, – წერს სააგენტო.
