სამხრეთ ოსეთის ადმინისტრაციის ხელმძღვანელი დიმიტრი სანაკოევი სიტყვით გამოვიდა სამეცნიერო კონფერენციაზე- ,,კულტურული მემკვიდრეობა კონფლიქტურ ტერიტორიებზე“.
კონფერენციის მიზანია ოკუპირებულ ტერიტორიებზე არსებული კულტურული მემკვიდრეობის მოძრავ და უძრავ ძეგლებზე უახლესი ინფორმაციის მიღება, მათ დასაცავად საერთაშორისო გამოცდილების გაზიარება და წარსულის ამჟამინდელი მდგომარეობის შესახებ მსჯელობა.
კონფერენცია ხორციელდება ხელოვნების საერთაშორისო ცენტრის მიერ აფხაზეთის ავტონომიური რესპუბლიკის განათლებისა და კულტურის სამინისტროს, სამხრეთ ოსეთის დროებითი ადმინისტრაციის და საქართველოს ეროვნული მუზეუმის მხარდაჭერით.
